ଦୁର୍ଗା ଦୁର୍ଗତିନାଶିନୀ

ଆସ ମାଆ ନଗେନ୍ଦ୍ରନନ୍ଦିନୀ

ତ୍ରିପୁରମୋହିନୀ କନକବରଣୀ

ଆସ ମାଆ ଜଗତଜନନୀ

ତୁମ ଇଙ୍ଗିତରେ ତୁମରି କୃପାରେ

ଆତଯାତ ଏଇ ଧରଣୀ

ଦୁର୍ଗା ଦୁର୍ଗତିନାଶିନୀ

ଶରତର ଏଇ ଶୁଭଲଗନରେ

ଆସ ମାଆ ସନ୍ତାପହାରିଣୀ

ତୁମେ ମହାକାଳି ଲକ୍ଷ୍ମୀ ସରସ୍ୱତୀ

ତୁମେ ମହାମାୟା ତୁମେ ଆଦ୍ୟାଶକ୍ତି

ଯୋଗମାୟା ତୁମେ ସଂସାରପାଳିନୀ

ଅଚିରେ ବିରାଜ ଅରାତିନାଶିନୀ

ଦୁଃଖଯାତନା ହାରିଣୀ

ଦୁର୍ଗା ଦୁର୍ଗତିନାଶିନୀ

ପାପରେ ସଂସାର ବୁଡ଼ିଛି

ପାପ ହୁ ହୁ ବଢୁଛି

ପାପୀ ଅତ୍ୟାଚାରେ

ପାପର ଭାରାରେ

ମେଦିନୀ ଉଠୁଛି ପଡୁଛି

ସାଧୁଜନ ଦୁଃଖେ ସଢୁ଼ଛି

ରକ୍ଷା କରହେ ମହିଷମର୍ଦିନୀ

ଅଭୟଦାୟିନୀ ଦୁଷ୍ଟ ସଂହାରିଣୀ

ଦୁର୍ଗା ଦୁର୍ଗତିନାଶିନୀ।।

ପାପ ପଙ୍କରେ ବୁଡ଼ିଛି ଏ ଧରା

ଥଳକୂଳ କିଛି ମିଳୁନି

ଦୁଷ୍ଟ ନିବାରି ସନ୍ଥ ପାଳିବ

ଅବତରି ଆସ ଜନନୀ

ଅବତରି ଆସ ଜନନୀ ।।

ବାଲେଶ୍ବର ୮୭୬୩୧୪୧୦୨୨