ପୂଜା ଆରାଧନା

ଜଗନ୍ମାତ ଆସିବେ ବୋଲି

ଏତେସବୁ ପଟୁଆର

ପୂଜା ଉପଚାର

ପାଞ୍ଜିଦେଖା ଚାନ୍ଦାଉଠା

ପୂଜା ନିମନ୍ତ୍ରଣ

ମୂର୍ତ୍ତିଗଢା ବିଲ୍ୱବରଣ

ରମ୍ଭାବୃକ୍ଷେ ନବବସ୍ତ୍ର

ପୁଷ୍ପମାଲ୍ୟ କରନ୍ତି ପ୍ରଦାନ

ମୃନ୍ମୟୀ ମୂର୍ତ୍ତିରେ ହୁଏ

ପ୍ରାଣ ସଞ୍ଚରଣ

ବ୍ରାହ୍ମଣର ବେଦପାଠ

ମନ୍ତ୍ର ଉଚ୍ଚାରଣ

ଦେବୀସୂକ୍ତ ଚଣ୍ଡୀପାଠ

ଭବ୍ୟ ପୂଜାର୍ଚ୍ଚନ

ମଣ୍ଡପରେ ସାଜସଜ୍ଜା

ଆଲୋକ ତୋରଣ

ବାଦ୍ୟଝଙ୍କାରେ ମୋହିତ

ଗଗନ ପବନ

କର୍ତ୍ତା କର୍ତ୍ତ୍ରୀ ଭକ୍ତଜନ

ଭକ୍ତିଭାବେ ମଗ୍ନ

ଯୋଡ଼ହସ୍ତେ କରିଥାନ୍ତି

ଦେବୀ ଆବାହନ

ଶକ୍ତି ଆରାଧନ କରେ

ଦୁର୍ଗତି ନାଶନ

ବରଦା ମାତ କରିବେ

ଯାତନା ମୋଚନ

ନବଦିନବ୍ୟାପି ପୂଜା

ନବରୂପା ଦେବୀ ଆବାହନ

ଷୋଡ଼ଶ ଉପଚାରେ ପୂଜା

ଧୂପ ଦୀପ ନଇବେଦ୍ୟ ଦାନ

ଗହଗହ ବେଦ ନାଦେ

ମହମହ ମଣ୍ଡପ ଆସ୍ଥାନ

ପ୍ରଥମରେ ଶୈଳପୁତ୍ରୀ ପୂଜା

ଦ୍ବିତୀୟେ ବ୍ରହ୍ମଚାରିଣୀ

ତୃତୀୟରେ ଚନ୍ଦ୍ରଘଣ୍ଟା ଶୋଭା

ଚତୁର୍ଥେ ଦେବୀ କୁଷ୍ମାଣ୍ଡା

ପଞ୍ଚମରେ ସ୍କନ୍ଦମାତା

ଷଷ୍ଠେ କାତ୍ୟାୟିନୀ ଦେବୀ

ସପ୍ତମୀରେ କାଳରାତ୍ରି ଉଭା

ଅଷ୍ଟଦିନେ ମହାଗୌରୀ

ନବମୀରେ ସିଦ୍ଧିଦାତ୍ରୀ ପରମ ଆରାଧ୍ୟା

ନବଦୁର୍ଗା କୁମାରୀ ପୂଜନ

ନାରୀ ନାରାୟଣୀ ବେଶ

ଅପୂର୍ବ ଶୋଭାସମ୍ଭାର

ସମ୍ମୋହିତ କରେ ମନପ୍ରାଣ

ବିଜୟା ଦଶମୀଦିନ

ଶାରଦୀୟ ପୂଜାବିଧି ହୁଏ ସମାପନ

ମାତାଙ୍କର ସ୍ବଗୃହ ଗମନ

ମୃନ୍ମୟୀପ୍ରତିମା କରି ଜଳେ ବିସର୍ଜନ

ନୟନୁ ଲୋତକ ଝରେ

ବିଷାଦରେ ଭରିଯାଏ ମନ ।।

ବାଲେଶ୍ବର ୮୭୬୩୧୪୧୦୨୨